Barcelona með tvö mörk í seinni - myndir

Barcelona tryggði sér sigur í Meistaradeildinni með sannfærandi 3-1 sigri á Manchester United í úrslitaleiknum á Wembley. Staðan var 1-1 í hálfleik en Barca tryggði sér sigurinn með mörkum frá Lionel Messi og David Villa í seinni hálfleiknum.

Bæði mörkin þeirra Messi og Villa komu með skotum fyrir utan teig en þetta er í fyrsta sinn í úrslitaleik Meistaradeildarinnar sem sama lið skorar tvö mörk fyrir utan teig.

AP-myndaþjónustan hefur þegar sent inn fullt af myndum úr leiknum og Vísir hefur tekið saman myndir af mörkum þeirra Messi og Villa. Myndirnar má sjá í albúminu hér að neðan. Hægt er að sjá myndirnar stærri með því að smella á þær.