Rio Ferdinand: Betra liðið vann

Rio Ferdinand, miðvörður Manchester United, þurfti að sætta sig við að tapa úrslitaleik Meistaradeildarinnar í annað skiptið á þremur árum.

„Við hefðum getað spilað betur í þessum leik en Barcelona var betra liðið," sagði Rio Ferdinand eftir leikinn.

„Við áttum að gera mun betur í tveimur mörkunum og þar sem við vorum út úr stöðum," sagði Ferdinand.

„Tíminn mun segja til um það hvort að þetta Barcelona-lið sé það besta í sögunni en þeir eru án nokkurs vafa með frábært lið," sagði Ferdinand.

„Við komum hingað til að vinna þennan leik og trúðum því að við gætum það. Það var var betra liðið sem vann," sagði Ferdinand.