Laus stöng í Laxá í Dölum

   Vegna forfalla er auglýst á heimasíðu Stangaveiðifélags Reykjavíkur laus stöng í laxá í Dölum á góðum tíma.  Þetta er á "fly only" tímanum í ánni og á dögum sem undanfarin ár hafa verið með þeim bestu, þannig að í boði er prime time og það gerist ekki oft í þessari nafntoguðu á.

 

   Dagsetningin er 12. til 14. ágúst og veitt er í hálfan heilan og hálfan dag.  Áin skilaði 1762 löxum á land í fyrra sem þykir frábær veiði á alla mælikvarða, og það þrátt fyrir að hafa glímt við vatnsleysi stórann part af sumrinu í fyrra.  Þeir sem hafa áhuga á leyfinu ættu að setja sig í samband við hann Harald hjá Svfr.  halli@svfr.is

 

Annars tala veiðimenn um að vatnsstaðan núna sé betri en í fyrra og þess vegna mikil tilhlökkun fyrir opnunum laxveiðiánna núna í júní.  Maí var afskaplega þurr í fyrra og það lagði línurnar fyrir sumrinu sem var eitt það þurrasta á landinu í áratugi.  Menn fagna því rigningu og snjókomu á hálendinu þessa dagana og ég reikna með að flestir þeirra sem eiga bókuð leyfi í sumar brosi út í annað þegar það rignir í sumar, þakklátir fyrir að fá árnar nærri kjörvatni en ekki vatnslausar eins og í fyrra.