Rooney: Við spiluðum virkilega vel í kvöld

Wayne Rooney var maðurinn á bak við bæði mörk Manchester United í 2-0 sigri á Schalke í fyrri undanúrslitaleik liðanna í Meistaradeildinni í Þýskalandi í kvöld. Rooney lagði upp fyrra markið fyrir Ryan Giggs og skoraði það seinna sjálfur.

„Við spiluðum virkilega vel í kvöld og áttum sigurinn skilinn. Við erum samt svolítið vonsviknir með að hafa ekki náð að nýta færin okkar betur í leiknum," sagði Wayne Rooney í viðtali á BBC.

„Þetta var samt góður útisigur og nú þurfum við að taka á þessari stöðu eins og fagmenn og klára leikinn heima. Við munum taka þá alvarlega í seinni leiknum," sagði Rooney.