Button: Barðist til sigurs til síðasta hrings

Jenson Button er annar í stigamótinu, 24 stigum á eftir Sebastian Vettel í stigakeppni ökumanna í Formúlu 1, eftir tvö fyrstu mótin. Vettel hefur unnið bæði mót ársins, en Button varð í öðru sæti á eftir honum á sunnudaginn í keppni í Malasíu.

 



"Við getum ekki látið Red Bull ráða ferðinni mikið lengur", sagði Button í frétt á BBC Sport, en hann varð meistari árið 2009 með Brawn liðinu, en ekur núna með McLaren.

 



"Vonandi getum við slegist við Red Bull, því það er það sem allir vilja sjá. Þeir eru mjög, mjög fljótir og það verður ekki auðvelt. Sebastian er sá sem þarf að sigra, eins og staðan er núna. Hann er með 24 stiga forskot og það er mikið eftir tvö mót, en það eru 17 mót eftir", sagði Button.



"Vettel hefur unnið tvö mót, en enginn annar hefur haft sömu þolgæði. Við erum með næstfljótasta bílinn og þurfum að endurbæta hann. Það eru breytingar í vændum og vonandi getum við keppt af kappi í Kína", sagði Button, en næsta keppni er í Sjanghæ um næstu helgi.



Meiri fjöldi þjónustuhléa ruglaði menn í ríminu í Malasíu, en keppendur er enn að læra á ný Pirelli dekk sem eru notuð í Formúlu 1 í ár.

 



"Ég átti ekki von á því að Ferrari og Renault yrði jafn öflgu og raun bar vitni. Við þurfum að endurskoða keppnisáætlun okkar og þá gekk betur. Við breyttum rétt og strákarnir í liðinu eiga þakkir skilar fyrir það. Ég var fyrir vobrigðum í Ástralíu, en kom hingað til að ná árangri. Ég barðist til sigurs til síðasta hrings og gerði það sem ég gat", sagði Button.