Stefna á að ljúka talningu klukkan tvö

Gert er ráð fyrir að talningu í Icesave kosningunni ljúki aðfaranótt sunnudagsins um klukkan tvö. Talning mun hefjast klukkan tíu um kvöldið, þegar kjörfundi lýkur. Þetta gæti þó breyst ef villur yrðu í talningunni. Búast má við því að fyrstu tölur verði birtar í Reykjavíkurkjördæmum eftir klukkan ellefu, samkvæmt upplýsingum frá yfirkjörstjórnum.

Landskjörstjórn skipaði á dögunum tólf einstaklinga sem umboðsmenn ólíkra sjónarmiða við þjóðaratkvæðagreiðsluna í einstökum kjördæmum. Hlutverk þeirra er að fylgjast með framkvæmd atkvæðagreiðslunnar á einstökum kjörstöðum í kjördæminu og gæta að því að kjörstjórn og kjósendur hegði sér þar í samræmi við lög