Pálína: Vorum ekki að spila saman

„Við vorum ekki að spila saman og þú vinnur ekki leiki ef það er ekki til staðar,“ sagði Pálína Gunnlaugsdóttir, leikmaður Keflavíkur eftir tap liðsins gegn KR í kvöld í DHL-höllinni, 75-64. Leikurinn var afar jafn framan af en í lokaleikhlutanum gegnu heimastúlkur á lagið og unnu mikilvægan sigur.

„Varnarleikurinn var góður hjá báðum liðum en KR-liðið hafði það fram yfir okkur að þær voru að spila saman. Við verðum að laga það fyrir næsta leik. Birna (Valgarðsdóttir) náði sér ekki á strik í kvöld og það munar mikið um hana,“ sagði Pálína sem skoraði 15 stig í kvöld.

Nýr bandarískur leikmaður, Melissa Ann Jeltema, lék í liði KR í kvöld. Kom hún Keflavíkurstúlkum á óvart? „Við vissum auðvitað ekkert um hana en við vissum það að hún væri góð. Hún skorar 25 stig í kvöld en þeirra fyrrum erlendi leikmaður var að skila álíka framlagi þannig að þetta breytir litlu. Nú þurfum við að mæta dýrvitlausar í næsta leik og ég hlakka til að fara að spila saman.“