Utankjörfundaratkvæðagreiðsla hefst á morgun

Utankjörfundaratkvæðagreiðsla vegna þjóðaratkvæðagreiðslu Icesave þann 9. apríl 2011, hefst við embætti sýslumannsins í Reykjavík, Skógarhlíð 6, þann 16. mars nk. samkvæmt upplýsingum frá sýslumanni.

Kosið er á skrifstofutíma á milli kl. 9:00 – 15:30 alla virka daga til 25 mars. Laugardaginn 19. mars er opið frá kl. 12:00 – 14:00. Laugardaginn 26. mars og sunnudaginn 27. mars nk. er opið frá kl. 12:00 – 14:00.

Frá og með mánudeginum 28. mars fer atkvæðagreiðslan fram í Laugardalshöll og þá verður opið alla daga frá kl. 10:00 -22:00. Á kjördag verður opið frá kl. 10:00 – 17:00.