Szczesny líklega ekki meira með í vetur

Þetta var svo sannarlega ekki kvöld Arsenal. Ekki bara féll liðið úr leik í Meistaradeildinni heldur verður liðið líklega án markvarðarins Wojciech Szczesny það sem eftir lifir leiktíðar.

Hann meiddist eftir fimmtán mínútna leik í kvöld og einn fingurinn fór úr lið.

Óttast er að puttinn sé ansi illa farinn og það skemmdur að markvörðurinn spili ekki meira í vetur.

Arsenal þarf samt ekki að örvænta ef Manuel Almunia heldur áfram að verja eins og hann varði í kvöld.