Innlent

Fundu blóð á skónum

Gunnar Rúnar Sigurþórsson leiddur fyrir dómara.
Gunnar Rúnar Sigurþórsson leiddur fyrir dómara.

Blóð fannst á skóm í eigu Gunnars Rúnars Sigurþórssonar samkvæmt frétt Morgunblaðsins í dag. Þar segist blaðið hafa áreiðanlegar heimildir fyrir því.

Gunnar Rúnar var úrskurðaður í fjögurra vikna gæsluvarðhald fyrir helgi vegna gruns um að hafa átt þátt í morðinu á Hannesi Þór Helgasyni um miðjan ágúst síðastliðinn.

Í frétt Morgunblaðsins segir að lögreglan hafi lagt hald á skó Gunnars Rúnars í fyrra skiptið sem hann var handtekinn. Þá mátti sjá að reynt hafði verið að þrífa blóðið af skónum.

Í tilkynningu frá lögregunni, sem hún sendi frá sér fyrir helgi, kom fram að ný gögn í málinu hefðu gert það að verkum að rökstuddur grunur væri talinn vera fyrir hendi um að Gunnar Rúnar hefði átt aðild að andláti Hannesar.

Lögreglan bíður enn eftir greiningu á lífsýnum en þau eru til rannsóknar í Svíþjóð. Enn á eftir að greina blóðið á skóm Gunnars.

Morðið á Hannesi Þór Helgasyni

Tengdar fréttir

Morðrannsókn í Hafnarfirði: Fréttaskýring

Hannes Þór Helgason keyrði einn heim til sín eftir að hafa skutlað kærustu sinni niður í miðbæ Reykjavíkur nóttina sem hann var myrtur á heimili sínu

Nítján morð á níu árum

Í afbrotatölfræði ríkislögreglustjóra segir að á árunum 2000 til 2009 hefur nítján einstaklingum verið ráðinn bani samkvæmt skilgreiningu 211. gr. hegningarlaga. Þar segir að yfirleitt séu tengsl milli gerenda og þolenda en tvö tilvik séu þar sem tengslin voru engin.

Morð í Hafnarfirði: Unnustan kom að hinum látna

Rannsókn lögreglu á manndrápi sem átti sér stað í heimahúsi við Háaberg í Hafnarfirði í gær heldur áfram og er mjög umfangsmikil. Hinn látni hét Hannes Þór Helgason, fæddur árið 1973.

Morð í Hafnarfirði: Margir yfirheyrðir en óljóst um málsatvik

Rannsókn á manndrápi í Hafnarfirði hefur verið í fullum gangi frá því tilkynnt var um atburðinn laust fyrir hádegi í gær en maður á fertugsaldri fannst látinn á heimili sínu og hafði honum verið ráðinn bani með eggvopni. Lögreglan á höfuðborgarsvæðinu sendi frá sér tilkynningu vegna málsins um miðnætti í gær. Þá höfðu fjölmargir verið yfirheyrðir auk þess sem unnið hefur verið úr gögnum sem aflað var með tæknirannsókn á vettvangi. Þegar tilkynningin var send höfðu yfirheyrslurnar ekki enn leitt til þess að ljóst sé orðið um málsatvik. Rannsókn málsins heldur því áfram.

Morðrannsókn: Húsleit hjá grunuðum manni

Húsleit var framkvæmd í gærkvöldi heima hjá grunuðum manni, sem var handtekinn og yfirheyrður vegna morðmálsins í Hafnarfirði stuttu eftir að morðið var framið. Þetta kemur fram á fréttamiðlinum Pressan.is.

Morðrannsókn: Tilviljun að Hannes var einn heima

Tilviljun ein virðist hafa ráðið því að yngsta systir Hannesar Þórs Helgasonar sem myrtur var á heimili sínu um síðustu helgi, var ekki á heimilinu umrædda nótt, en hún hefur undanfarið búið hjá bróður sínum. Enginn er nú í haldi lögreglu vegna málsins.

Mest lesið


Fleiri fréttir

Sjá meira


×

Mest lesið