Jenna á Broadway

Klámkonan Jenna Jameson á í viðræðum um að koma fram í rokksöngleiknum Rock of Ages á Broadway.

Jameson sækist eftir hlutverki Justice, sem á strippklúbbinn Venus, en fái hún hlutverkið þarf hún að syngja lagið Any Way You Want It eftir hljómsveitina Journey.

„Ég er að spjalla við framleiðendurna og vonast til að vera nógu hæfileikarík til að valda hlutverkinu," segir Jameson, sem hætti að leika í klámmyndum fyrir nokkrum misserum. „Mig hefur alltaf dreymt um að koma fram á Broadway og ég bið til Guðs um að fá hlutverkið."

Fái Jameson hlutverkið myndi hún vera í sýningunni í allt að þrjá mánuði.

„Ég held að ég sé fullkomin í hlutverkið og ég hlakka til að flytja til New York."

Samkvæmt heimildarmönnum dagblaðsins New York Post kom Jameson framleiðendum verksins á óvart.

„Hún er með góða rödd og þrátt fyrir að hún sé aðeins þekkt fyrir leik í klámmyndum þá getur hún leikið."