Geir vill Andra sem verjanda

Geir H. Haarde, fyrrverandi forsætisráðherra, telur að óhæfilegur dráttur hafi orðið á því að sér sé skipaður verjandi í samræmi við þá ákvörðun Alþingis að höfða mál gegn honum. Hann hafi verulega hagsmuni af því að lögmaður sinn fái formlega stöðu verjanda og því vill Geir að Andri Árnason, hæstaréttarlögmaður, verði skipaður verjandi sinn.

Geir sendi Ingibjörgu Benediktsdóttur, forseta landsdóms, bréf í byrjun vikunnar vegna málsins. Hann segir engin svör hafa borist.