Arnór fór meiddur af velli í jafnteflisleik Esbjerg

Esbjerg er í fallsæti í dönsku úrvalsdeildinni en liðið gerði í dag 1-1 jafntefli við Nordsjælland. Arnór Smárason var í byrjunarliði Esbjerg en fór meiddur af velli rétt fyrir hálfleik.

Esbjerg er í ellefta sæti deildarinnar með 12 stig eftir ellefu leiki en pakkinn er þéttur og aðeins þrjú stig upp í fjórða sæti deildarinnar.

Ólafur Ingi Skúlason lék allan leikinn fyrir SönderjyskE sem tapaði 3-1 fyrir Silkeborg. SönderjyskE er stigi fyrir ofan Esbjerg.

Nú stendur yfir leikur Kaumannahafnar og Randers en Sölvi Geir Ottesen er enn á meiðslalistanum og ekki með heimamönnum í leiknum.