NBA: Kobe tryggði Lakers sigur með ótrúlegri flautukörfu

Kobe Bryant skoraði enn eina flautukörfuna í nótt. Að þessu sinni gegn Sacramento þegar 0,1 sekúnda var eftir af leiknum. Karfan tryggði Lakers eins stigs sigur.

Þessi ótrúlegi körfuboltamaður var með 39 stig í leiknum. Veitti ekki af þar sem Lakers var í ruglinu framan af og lenti 20 stigum undir um tíma. Leikmenn Lakers virkuðu þunnir eftir áramótagleðina og hittu aðeins úr 37 prósent skota sinna í fyrri hálfleik. Enginn eins glær og Derek Fisher sem klúðraði 9 af 10 skotum sínum.

Stuðningsmönnum Lakers ofbauð í stöðunni 52-32 og byrjuðu að baula á sína menn. Það kveikti í Lakers-liðinu sem átti ótrúlega endurkomu og vann leikinn.

Úrslit:

LA Lakers-Sacramento  109-108

Minnesota-Orlandi  94-106

Atlanta-NU Knicks  108-112