Nýtt frá bræðrum

Nýjasta plata Hvanndalsbræðra kemur út í dag. Þar er að finna tólf lög, þar á meðal eru LA LA lagið, Fjóla, Vinkona, og Eurovision-lagið Gleði og glens. Lagið Vinsæll eftir Dr. Gunna í flutningi Hvanndalsbræðra er núna komið í mikla spilun á öllum helstu útvarpsstöðvum landsins.

Á meðal annarra laga er Plötulagið eftir Einar Bárðarson og ska-útgáfa af lagi Skriðjökla, Mikki refur. Síðasta plata Hvanndalsbræðra, Knúsumst um stund, kom út fyrir tveimur árum og seldist í tæpum þrjú þúsund eintökum.

Bræðurnir halda ferna útgáfutónleika á næstunni. Þann 27. og 28. maí spilar þeir á Græna hattinum á Akureyri, 3.júní á Nasa í Reykjavík og 4.júní í Salthúsinu í Grindavík. Þetta eru ekki einu tónleikar Hvanndalsbræðra í sumar því að þeir eru bókaðir á yfir þrjátíu stöðum um allt land og eru ekki hættir að bóka.