al Kaída í fjárhagserfiðleikum

Samkvæmt frásögn í Mandag Morgen hafa þessir fjárhagserfiðelikar haft margvísleg áhrif á starfsemi al Kaída. Sellurnar innan samtakanna starfs nú meir og minna sjálfstætt og með eigin efnahag, næstum eins og dótturfélög frá sjálfum samtökunum.

Þá verðar nýir meðlimir al Kaída nú að borga öll útgjöld sín úr eigin vasa og mannrán eru orðin ein helsta tekjulindin, einkum í þeim Afríkulöndum sem samtökin starfa í.

Vegna þess hve CIA og aðrar leyniþjónustur fylgjast náið með peningasendingum til og frá þeim löndum þar sem al Kaída starfar hefur smygl á peningum orðið mun meira en áður. Meðlimir samtakana ferðast á milli landa með dollarabúntin límd við líkama sína.

Einnig hefur hið múslimska fjármálakerfi hawala spilað stærra og stærra hlutverk í peningatilfærslum til og frá al Kaída. Hawala byggir ekki á neinum kvittunum eða samningum heldur á trausti milli þeirra sem nota það.

Fyrir hryðjuverkaárásina í Bandaríkjunum þann 11. september 2001 starfaði al Kaída með fjárlög upp á tugi milljóna dollara á hverju ári. Samkvæmt CIA námu fjárlög samtakanna árið sem árásin var gerð um 30 milljónum dollara.