Fótbolti

Pato spilar með Milan næsta vetur

Henry Birgir Gunnarsson skrifar

Brasilíumaðurinn magnaði hjá AC Milan, Pato, segist ekki vera að hugsa um Real Madrid eða Chelsea. Hann sé eingöngu að hugsa um AC Milan.

Þessi skemmtilegi framherji hefur verið sterklega orðaður við bæði Madrid og Chelsea í allt sumar en hann vill sjálfur vera áfram í herbúðum Milan.

"Ég er með samning við félagið til ársins 2014 og ég ætla mér að virða þann samning. Eina liðið sem ég hugsa um fyrir utan Milan er gamla félagið mitt Internacional. Kannski enda ég ferilinn þar," sagði Pato.

"Ég ætla að standa mig með Milan næsta vetur og vonandi velur næsti landsliðsþjálfari Brasilíu mig í liðið."



Ítalski boltinn

Mest lesið


Fleiri fréttir

Sjá meira


×

Mest lesið