Robinho tók á sig mikla launalækkun

Brasilíumanninum Robinho var svo mikið í mun að komast frá Man. City til AC Milan að hann tók á sig helmingslaunalækkun.

Robinho var á svakalegum launum hjá City þar sem hann fékk 160 þúsund pund í vikulaun. Slík laun eru ekki í boði hjá Milan og Robinho varð því að "sætta" sig við 80 þúsund pund á viku.

Hann var miklu meira en til í að sætta sig við það enda snérist allt hjá honum um að komast burt frá Manchester.

Robinho var keyptur til City fyrir 32.5 milljónir punda á sínum tíma en sýndi aldrei neitt hjá félaginu. Þessi kaup verða því ofarlega í sögubókum yfir lélegustu kaup allra tíma í enska boltanum.