Björgvin Karl þjálfar kvennalið KR næsta sumar

Björgvin Karl Gunnarsson hefur verið ráðinn þjálfari KR í Pepsi-deild kvenna í fótbolta og mun hann taka við liðinu af Guðrúnu Jónu Kristjánsdóttur. Björgvin Karl skrifaði undir þriggja ára samning en þetta kemur fram í frétt á heimasíðu KR.

Björgvin Karl kom til starfa hjá KR í fyrra og var aðstoðarþjálfari í meistaraflokki auk þess að þjálfa 2. flokk og 5. flokk kvenna sem og 6. flokk karla. Áður þjálfaði hann meðal annars meistaraflokk kvenna hjá Hetti.

Björgvin Karl hefur leikið fótbolta með Hetti, Fjarðabyggð og Hvöt. Hann lék einnig með ÍA, Skallagrími og Hetti í úrvalsdeildinni í körfubolta.