Ó já það var fagnað eftir frumsýningu Gauragangs

Kvikmyndin Gauragangur var frumsýnd Smárabíói í gærkvöldi. Mikill áhugi virðist vera fyrir sögunni af Ormi Óðinssyni sem hefur í gegnum tíðina margsannað sig á bók, í leikhúsi og nú loks á hvíta tjaldinu en færri komust að en vildu og þurfti því að vísa fólki frá.

Myndin, sem er í leikstjórn Gunnars B. Guðmundssonar verður tekin til almennra sýninga í kvikmyndahúsum um allt land þann 26. desember. Með hlutverk Orms Óðinssonar fer Alexander Briem og fetar hann þar með í fótspor Ingvars E. Sigurðssonar og Góa.

Á meðfylgjandi myndum má sjá aðstandendur myndarinnar fagna saman á Íslenska barnum eftir vel heppnaða frumsýningu.

Stutt VIDEO-viðtal við Hildi leikkonu sem sótti um að leika í myndinni í hálfgerðu gríni.