Ciro Ferrara að pakka saman?

Eigendur Juventus virðast vera búnir að gefast upp á þjálfara liðsins, Ciro Ferrara. Ef marka má fregnir ítalska blaðsins, La Stampa, má búast við því að hann taki poka sinn á næstu klukkustundum.

Forseti liðsins, Jean-Claude Blanc, vildi gefa Ferrara lengri tíma en eigendur félagsins virðast vera búnir að gera upp hug sinn.

Þetta sé aðeins spurning um að finna eftirmann hans og er Guus Hiddink talinn líklegur til að taka við stjórnartaumunum.

Það er búist við því að nýr þjálfari verði farinn að stýra Juventus á þriðjudaginn er liðið mætir lærisveinum Jose Mourinho í Inter.