Makedónskt gengi ætlaði að brjótast inn í hús Mourinho

Portúgalski þjálfarinn Jose Mourinho er sagður vera í losti yfir þeim fréttum að makedónskt gengi hafi ætlað að brjótast inn í húsið hans.

Ítalska blaðið La Stampa segir að gengið hafi undirbúið ránið mjög vel. Þeir hafi haldið nákvæma dagbók um allar ferðir þjálfarans svo þeir gætu brotist inn er hann væri fjarverandi.

Lögreglan í Genoa komst yfir gögn þar sem meðal annars mátti finna heimilisfang Mourinho, bílnúmerið hans og myndir.

Mourinho mun mæta í yfirheyrslur hjá lögreglu í dag vegna málsins og Giuseppe Baresi mun leysa hann af á blaðamannafundi.

Mourinho hefur þegar farið í að tryggja öryggi heimilisins enn frekar.