Góðir gestir í jólaglöggi

Útón hélt sitt árlega jólaglögg á Kaffi Rosenberg á þriðjudagskvöld. Hljómsveitin Of Monsters and Men spilaði lög af plötu sinni sem er væntanleg á næsta ári.

Í hófinu var boðið upp á jólaglögg, bjór, gos, kaffi og piparkökur, sem gestirnir slógu að sjálfsögðu ekki hendinni á móti. Helstu hagsmunafélög tónlistarmanna og útgefenda stóðu að glögginu en þau eru:

Félag íslenskra hljómlistarmanna (FÍH), Félag tónskálda og textahöfunda (FTT), Tónskáldafélag Íslands (TÍ), Félag íslenskra tónlistarmanna (FÍT), Samband flytjenda og hljómplötuframleiðenda (SFH) og Félag hljómplötuframleiðenda (FHF).