Sálmar frá suðurríkjum

Sungið verður Guði til dýrðar í Garðakirkju í kvöld. Þá mun tríó skipað þeim Gerði Bolladóttur, sópran, Sophie Schoonjans, hörpuleikara og Victoriu Tarevskaia, sellóleikara, flytja trúarsöngva bandarískra blökkumanna.

Á efnisskránni er tónlist sem mótaðist á tímum þrælahalds og aðskilnaðarstefnu í Bandaríkjunum. Tónleikarnir byrja klukkan 20:00 og verða síðan endurteknir í Laugarneskirkju annað kvöld klukkan 20:00. Frjáls framlög má inna af hendi við innganginn.