Ítalski boltinn: Inter og AC Milan með góða sigra

Mílanóborgarfélögin Inter og AC Milan voru í eldlínunni í ítalska boltanum í dag en Inter vann 2-3 sigur gegn Udinese og AC Milan vann 3-1 sigur gegn Atalanta.

Þá gaf Roma örlítið eftir í toppbaráttunni eftir 2-2 jafntefli gegn Napoli. Juventus leikur svo í kvöld gegn Palermo.

Simone Pepe kom Udinese yfir snemma leiks gegn Inter en Mario Balotelli jafnaði leikinn af bragði.

Maicon og Diego Milito komu Ítalíumeisturunum svo í 1-3 áður en Antonio Di Natale minnkaði muninn úr vítaspyrnu snemma í síiðari hálfleik. Lengra komust heimamenn þó ekki og 2-3 sigur gestanna staðreynd.

Brasilíumaðurinn Pato skoraði tvennu í 3-1 sigri AC Milan gegn Atalanta og Marco Borriello skoraði eitt mark en Jaime Valdes skoraði mark Atalanta.

Úrslit dagsins:

AC Milan-Atalanta 3-1

Udinese-Inter 2-3

Napoli-Roma 2-2

Chievo-Cagliari 2-1

Genoa-Bologna 3-4

Livorno-Siena 1-2

Parma-Sampdoria 1-0