Trezeguet að ljúka keppni hjá Juventus

Svo virðist vera sem Frakkinn David Trezeguet sé að spila sína síðustu leiki fyrir ítalska félagið Juventus.

Það verður mokað hraustlega út hjá félaginu í sumar eftir ömurlegt tímabil. Trezeguet er sagður vera einn af þeim mönnum sem verða látnir fara.

Hann á samt eitt ár eftir af samningi sínum en fær þrátt fyrir það líklega að fara frítt.

Á meðal þeirra liða sem eru að spá í leikmanninum er Villarreal og svo eru lið í Bandaríkjunum einnig á tánum.

Trezeguet hefur skorað 10 mörk í 25 leikjum í vetur.