Moratti þakkar Mourinho

Þrátt fyrir erfiðleika í vetur er Massimo Moratti, forseti Inter, stoltur maður í lok árs 2010. Hann er sérstaklega ánægður með gamla þjálfarann sinn, Jose Mourinho.

"Árið hefði verið fullkomið ef við hefðum unnið Ofurbikarinn sem við töpuðum gegn Atletico eftir að Benitez tók við liðinu. Það er samt magnað að sjá fimm bikara á hillunni í lok ársins. Mourinho var allur pakkinn fyrir okkur," sagði Moratti.

"Stundum fannst mér hann ganga of langt en það verður að líta á heildarmyndina. Allt sem hann gerði varð þess valdandi að við unnum titla."

Brasilíumaðurinn Leonardo mun leiða Inter inn í nýja árið þar sem Moratti er búinn að reka Rafa Benitez.