Markalaust hjá Örebro og Umeå

Einn leikur fór fram í sænsku úrvalsdeildinni í knattspyrnu í kvöld en í honum gerðu Örebro og Umeå markalaust jafntefli.

Edda Garðarsdóttir lék allan leikinn með fyrrnefnda liðinu en Ólína Guðbjörg Viðarsdóttir er enn frá vegna meiðsla.

Örebro er í fimmta sæti deildarinnar með tíu stig eftir sex leiki, sex stigum á eftir toppliði Malmö. Umeå er í sjötta sætinu átta stig.

Kristianstad, lið Elísabetar Gunnarsdóttur, er í fimmta sæti með tíu stig en með betra markahlutfall en Örebro.