Hækka laun Ranieri um 80 prósent?

Samkvæmt frétt La Gazzetta dello Sport þarf Roma að borga níu milljónir evra í bónusgreiðslur ef félagið vinnur bæði deild og bikar á Ítalíu.

Claudio Ranieri hefur verið að gera hreint frábæra hluti með liðið í vetur og komst það á topp Seríu-A um helgina. Þá er það komið í undanúrslit ítalska bikarsins.

Ef liðinu tekst að vinna báðar keppnirnar hækkar launapakki Ranieri um heil 80% samkvæmt La Gazzetta dello Sport.

Roma á stórleik framundan gegn grönnum sínum í Lazio um komandi helgi.