Staðfest að Insua fer ekki til Fiorentina

Argentínumaðurinn Emiliano Insua er ekki á leið til Fiorentina á Ítalíu. Það varð ljóst í dag þegar framkvæmdastjóri Fiorentina steig fram og sagði að ekki hefðu náðst samningar við leikmanninn.

„Málið er einfalt. Við höfum ekki efni á að borga honum þau laun sem hann krefst. Við ákváðum að gefast upp á að fá hann," sagði framkvæmdastjórinn. „Leikmannahópur Fiorentina mun því haldast óbreyttur nema eitthvað óvænt gerist."

Insua verður því áfram í herbúðum Liverpool, allavega enn um sinn.