Benitez fær stóran plús í kladdann ef hann vinnur HM félagsliða

Þó svo gengi Inter undir stjórn Rafa Benitez hafi ekki verið sem skildi hefur forseti félagsins, Massimo Moratti, ávallt staðið þétt við bak Benitez. Hann mun halda áfram að gera það ef Benitez vinnur heimsmeistarakeppni félagsliða.

Sú keppni hefur einhverra hluta vegna verið mjög mikilvæg í augum Benitez og Moratti er einnig hrifinn af keppninni.

"Ég gaf tímabili Inter einkunnina 6,5 um daginn. Ef við vinnum HM félagsliða þá hækkar sú einkunn um 3,5," sagði Moratti.

"Inter var fyrsta ítalska liðið til að vinna þessa keppni og það tvisvar í röð. Ég á margar ljúfar minningar frá þessari keppni og þess vegna skiptir hún máli."