Webber: Svefnleysi skilaði árangri

Lítil svefna aðstoðarmanna Mark Webber varð til þessa að hann náði besta tíma í tímatökum í Barcelona í dag. Webber sagði sína menn hafa unnið mikið í bílum hans og Sebastian Vettel tvær síðustu nætur og það hafi skilað árangri.

"Það skilaði sér í góðum aksturstímum að bæði teymi liðsins hafa lítið sofið tvær síðustu nætur. Tímatakan var stórkostleg og Christian (Horner framkvæmdarstjóri Red Bull) sagði fyrir tímatökuna að ég fengi álíka bíl til að keyra þessa braut á næstunni og ég ætti að njóta þess. Sem og ég gerði", sagði Webber á blaðamannafundinum eftir keppnina samkvæmt frétt hjá autosport.com.

Webber var ánægður með að vera á udan Vettel, liðsfélaga sínum.

"Það er ánægjuleg samkeppni á milli okkar Seb og hann hefur náð frábærum árangri. Það var gott að slá honum við. Það sýnir að liðið er að vinna sem heild. Keppnin verður löng og ströng og ég er ánægður með bílinn hvað uppsetningu varðar fyrir kappaksturinn. Ég fæ engin stig í dag, en hlakka til morgundagsins", sagði Webber.