Dzeko fer ekki til Milan

AC Milan er hætt að eltast við framherjann Edin Dzeko hjá Wolfsburg því félagið ætlar sér að halda Hollendingnum Klaas-Jan Huntelaar hjá félaginu.

„Huntelaar er fullkominn. Hann skorar og enginn getur sparkað eins og hann. Af hverju ættum við þá að selja hann?" sagi Ariedo Braida hjá Milan.

Milan var eitt fjölmargra liða á eftir þessum bosníska framherja sem verður ekki til sölu fyrir neina skiptimynt.

Breskir fjölmiðlar segja að Tottenham sé líklegast til þess að hreppa framherjann sterka.

Dzeko hefur skorað 19 mörk á þessari leiktíð.