Arabar að kaupa AS Roma

Ítalska félagið AS Roma er til sölu enda félagið afar skuldsett. Eins og alltaf þegar stórlið eru til sölu í knattspyrnuheiminum eru moldríkir Arabar orðaðir við kaupin.

Sensi-fjölskyldan hefur átt félagið til margra ára en þar sem félagið skuldar 325 milljónir evra hefur Sensi-fjölskyldan sett félagið upp í skuldir til bankans sem hefur lánað fjölskyldunni mest.

Bankinn leitar nú að nýjum eigendum og þegar hefur hópur Araba keypt 5 prósenta hlut í félaginu. Hermt er að Arabarnir vilja kaupa öll hlutabréf í félaginu og talið að það geti gerst á næstu vikum.