Roma vill framlengja við Ranieri

Forráðamenn Roma eru afar ánægðir með störf þjálfarans Claudio Ranieri og vilja núna framlengja samning hans við félagið til ársins 2013.

Roma var aðeins nokkrum mínútum frá því að verða ítalskur meistari í fyrra.

Núverandi samningur Ranieri rennur út árið 2011 en hann hefur ekki viljað binda sig of lengi enda verið að gæla við landsliðsþjálfarastarfið hjá Ítalíu.

Hann hefur margoft lýst því yfir að hann vilji þjálfa ítalska landsliðið og vildi helst taka við því eftir HM en var ekki valinn.