Stefán fer frá Viking aftur til Bröndby - Tekur peninga framyfir leiktíma

Stefán Gíslason ætlar að fara frá Viking í Noregi 1. ágúst heim til Bröndby. Stefán hefur verið í láni frá Danmörku hjá Viking.

Á heimasíðu Verdens Gang segir að Stefán hafi staðið sig mjög vel á tímabilinu.

Stefán segir við VG að samningar hafi ekki náðst um áframhaldandi veru hans hjá Viking.

"Það skilur langt á milli," segir Stefán sem vill fá mun hærri laun en Viking er tilbúið að greiða honum.

Fram kemur að Stefán taki peninga framyfir leiktíma eins og staðan er í dag. "Peningar eru mikilvægir eins og staðan er í dag, sérstaklega á mínum aldri þegar maður er kominn með fjölskyldu," segir Stefán við VG.