Gaf Mariah nammihring með demanti

Hjónin og söngvararnir Nick Cannon og Mariah Carey héldu þriðju brúðkaupsveislu sína um helgina. Þau giftu sig árið 2008 og hafa haldið brúðkaupsathöfn á hverju ári eftir það.

Athöfnin fór fram á heimili þeirra í Beverly Hills þar sem Cannon læddi demantshring á fingur henni sem var hannaður eins og nammi. Hún er víst það mikill nammigrís að eiginmaðurinn vissi að þetta myndi slá í gegn. Á sínum tíma faldi hann einnig trúlofunarhringinn í nammibréfi sem hann gaf henni.