Mandy hætt í megrun

Söng- og leikkonan Mandy Moore segist ekki spá of mikið í kalóríum og borðar þess í stað allt það sem hana langar til.

„Ef mig langar í hamborgara og franskar kartöflur, þá fæ ég mér svoleiðis og mér finnst það í góðu lagi," segir Moore sem viðurkennir þó að hún hafi ekki alltaf verið svo kærulaus þegar kemur að mat.

„Einu sinni hugsaði ég ekki um annað en mat. Ég passaði mig á því að borða ekki of mikið, hreyfa mig nóg og halda mér grannri. En nú hef ég áttað mig á því að hamingjan er ekki tengd vaxtalagi," segir söngkonan.