Leonardo hrósað fyrir að standa upp í hárinu á Berlusconi

Ítalskir fjölmiðlar keppast um að mæra hinn brasilíska þjálfara AC Milan, Leonardo, eftir að hann neitaði að láta eiganda félagsins, Silvio Berlusconi, vaða yfir sig á skítugum skónum.

Berlusconi gagnrýndi Leonardo á dögunum fyrir leikstíl liðsins sem hann var ekki hrifinn af. Leonardo svaraði gagnrýninni á þann hátt að Berluscona gæti þá bara rekið sig ef hann vildi.

Þetta kunna ítalskir fjölmiðlar að meta enda ekki á hverjum degi sem einhver á Ítalíu þorir að rífa kjaft við Berlusconi.