Jafntefli hjá Inter og AC getur komist á toppinn

Inter gerði í kvöld 1-1 jafntefli við Palermo á útivelli í ítalska boltanum. Liðið er með tveggja stiga forskot í deildinni en AC Milan á leik inni gegn Napoli á morgun.

Takist AC Milan að vinna þann leik kemst liðið á topp deildarinnar. Roma styrkti stöðu sína í þriðja sæti með 4-2 sigri gegn Udinese.

Diego Milito kom Inter yfir gegn Palermo í kvöld á 11. mínútu en Edinson Cavani jafnaði á 24. mínútu og úrslitin 1-1.

Svartfellingurinn Mirko Vucinic skoraði þrennu fyrir Roma gegn Udinese en Luca Toni skoraði fyrsta mark leiksins.

Fyrr í kvöld vann Fiorentina 3-0 sigur á Genoa.