Ragnar skoraði stórbrotið mark í stórsigri Gautaborgar (myndband)

Ragnar Sigurðsson hjá IFK Gautaborg er umtalaðasti knattspyrnumaðurinn í sænsku úrvalsdeildinni í knattspyrnu í dag eftir að hafa skorað ótrúlegt mark í 6-0 sigri liðsins á Djurgarden.

Ragnar skoraði fimmta mark leiksins þegar um sex mínútur voru til leiksloka, en hann sá þá að markvörður Djurgarden stóð of framarlega í marki sínu og lét vaða af um 60 metra færi.

Boltinn söng í netinu og sænskir fjölmiðlar líkja tilþrifum Ragnars við frægt mark sem David Beckham skoraði með Manchester United um miðjan síðasta áratug.

Smelltu hér til að sjá markið á vef Aftonbladet í Svíþjóð.