McLaren á toppnum í Abu Dhabi

McLaren ökumennirnir Heikki Kovalainen og Lewis Hamilton voru fljótustu ökumennirnir á æfingum á Formúlu 1 brautinni nýju í Abu Dhabi í dag. Kovalainen var sneggstur á undan Hamilton á seinni æfingunni, en Hamilton var allra manna fljótastur á þeirri fyrri.

Það nýmæli var á seinni æfingu dagsins að hún hófst í dagsbirtu en lauk í fljóðljósum og náttmyrkri. Gekk ökumönnum ágætlega að aðlagast aðstæðum en samskonar aðstæður verða í sjálfum kappakstrinum á sunnudaginn.

Heimsmeistarinn Jenson Button var með annan besta tíma á fyrri æfingunni, en varð þriðji á þeirri síðaari. KERS kerfið í bílum McLaren ökumannanna er að virka vel á beinasta kafla brautarinnar sem er 1.2 km langur og sá lengsti í Formúlu 1.

Sýnt er frá æfingum og hinum tigarlegu mannvirkjum á brautinni í Abu Dhabi kl. 20.30 í kvöld á Stöð 2 Sport.

Sjá aksturstímanna og brautarlýsingu