Árni Gautur leit rautt í sigurleik

Markvörðurinn Árni Gautur Arason fékk að líta rauða spjaldið í dag þegar Odd Grenland mætti Sandefjord. Árni fékk dæmda á sig hendi utan teigs á 76. mínútu og leit rauða spjaldið í kjölfarið.

Þrátt fyrir þetta náði Odd Grenland að tryggja sér sigurinn 2-1 með marki á lokamínútunni. Liðið er í þriðja sæti deildarinnar, níu stigum á eftir toppliði Rosenborg sem á leik inni.

Kjartan Henry Finnbogason var ónotaður varamaður í liði Sandefjord sem er í 11. sæti af sextán liðum í deildinni.