280 leikir á fjórum dögum á ReyCup - setning í kvöld

Alþjólega knattspyrnuhátíðin ReyCup verður sett klukkan 21.00 í kvöld við gervigrasvöllinn í Laugardal en þetta er stærsta og umfangsmesta knattspyrnumót sem haldið á landinu 2009. Sjálfboðaliðar á mótinu á vegum Þróttar eru um 250 manns.

ReyCup er fram á tíu völlum út um allan Laugardal og eru 900 krakkar í gistingu í fimm skólum í nágrenninu. Alls verða spilaðir 280 leikir á þessum fjórum dögum sem mótið fer fram.

Mótið hefur verið haldið árlega frá árinu 2002 og fer því fram í áttunda skiptið í ár. Það er mikil fjölgun frá því í fyrra en um 1650 knattspyrnustrákar og stelpur á aldrinum 12 til 16 ára taka þátt í mótinu nú eða 500 fleiri en í fyrra.

Fimm erlend lið mæta að þessu sinni til leiks en það eru AB Tarnby, Herfolge og Esbjerg frá Danmörku, Vestur 07 frá Færeyjum og Reading frá Englandi.