Donaghy aftur hent í steininn

Körfuboltadómarinn Tim Donaghy á erfitt með að halda sig réttu megin við lögin því það er aftur búið að kasta honum í steininn.

Hann var settur í steininn í dag og er óvíst hvenær honum verður sleppt út. Lögreglan vildi ekki gefa upp að svo stöddu hvað Donaghy hefði gert af sér að þessu sinni.

Donaghy var dæmdur í 15 mánaða fangelsi í fyrra þegar hann viðurkenndi að hafa þegið þúsundir dollara í greiðslur frá veðmöngurum fyrir innherjaupplýsingar úr NBA-boltanum þar sem hann var að dæma.

Fyrri hluta dómsins afplánaði hann í alvöru fangelsi en var svo færður í huggulegri stað í anda Kvíabryggju til að klára dóminn.

Því náði hann ekki því afplánun átti að ljúka í október og honum hefur þrátt fyrir það tekist að brjóta aftur af sér.

Hann verður því aftur settur í klefa með harðsvíruðum glæpamönnum.