Skoruðu þrjú sjálfsmörk í einum leik

Leikmenn þýska úrvalsdeildarfélagsins Hannover 96 vilja sjálfsagt gleyma leik sínum um helgina við Borussia Mönchengladbach sem allra fyrst.

Leiknum lauk með 5-3 sigri Gladbach en Hannover skoraði þó þrjú sjálfsmörk í leiknum og því samtals sex mörk alls.

„Það er ótrúlegt að við skoruðum sex mörk í leiknum en töpuðu samt," sagði Andreas Bergmann, stjóri liðsins. „Ég held að við munum ekki gleyma þessum leik í bráð."

Miðvörðurinn Karim Haggui skoraði tvö sjálfsmörk og bakvörðurinn Constant Djakpa eitt. Sóknarmaðurinn Didier Konan skoraði svo tvö marka Hannover í rétt mark en fékk svo að líta rauða spjaldið þegar hann fékk sína aðra áminningu í leiknum skömmu fyrir leikslok.