Domenech segir sína skoðun á Mourinho

Raymond Domenech, landsliðsþjálfari Frakka í knattspyrnu, virðist ekki hafa miklar mætur á Jose Mourinho þjálfara Inter á Ítalíu.

Domenech er reyndar lítt hrifinn af öllu sem kemur frá Ítalíu eftir að hans menn töpuðu naumlega fyrir Ítalíu í úrslitaleik HM árið 2006, en í samtali við Sport gat hann ekki stillt sig um að segja sína skoðun á Mourinho.

"Mourinho er eins og ensku slúðurblöðin. Hans helsti styrkur er að ögra öllu og öllum og honum er meira að segja orðið sama um sjálfan sig. Það er alltaf ákveðinn farsi í kring um hann," sagði Domenech.