Framherjinn Edinson Cavani hefur slegið í gegn með Palermo síðan hann kom til félagsins árið 2007 en þessi 22 ára gamli landsliðsmaður Úrúgvæ setur stefnuna enn lengra.
Hann vill ólmur spila í Meistaradeildinni og sér Palermo fyrst og fremst sem stökkpall til enn stærri félaga.
„Það er draumur minn að spila í Meistaradeildinni með einhverju af stærstu liðum Evrópu. Ég vonast til þess að spila með annað hvort Juventus eða Chelsea í framtíðinni og ég er sannfærður um að Palermo muni gera mér kleift að ná enn lengra," segir Cavani í viðtali við Gazzetta dello Sport í dag en framherjinn hefur skorað 22 mörk í 76 leikjum með Palermo í Serie A-deildinni.
