Kaká ákveður sig fljótlega

Framhaldssögu sumarsins gæti lokið á mánudag þegar Brasilíumaðurinn Kaká mun líklega gefa upp hvort hann ætli sér að vera áfram hjá AC Milan eða fara til Real Madrid.

Fjölmiðlamenn náðu í skottið á honum í gær eftir að Brasilíu hafði lagt Úrúgvæ, 4-0, í undankeppni HM.

„Ég mun ræða framtíð mína fljótlega. Þegar rétti tíminn kemur þá mun ég tjá mig," sagði Kaká eftir leikinn.

Silvio Berlusconi, eigandi AC Milan, er sagður ætla að setjast niður með leikmanninum á mánudag í lokatilraun sinni til þess að sannfæra hann um að vera áfram að því að hermt er.