Eyjólfur þurfti að gera þrjár breytingar á 21 árs liðinu

Eyjólfur Sverrisson, landsliðsþjálfari 21 árs landsliðs karla, hefur þurft að gera þrjár breytingar á landsliðshópnum fyrir vináttuleik á móti Dönum eftir eina viku.

Guðmundur Reynir Gunnarsson hjá GAIS í Svíþjóð og Björn Bergmann Sigurðarson úr Lilleström í Noregi geta ekki tekið þátt í leiknum vegna meiðsla og þá hefur Gylfi Þór Sigurðsson ekki kost á sér.

Eyjólfur kallar inn í hópinn þrjá stráka sem hafa verið að gera það gott í fyrstu umferðum Pepsi-deildarinnar í sumar en það eru Guðmundur Steinn Hafsteinsson úr Val, Jósef Kristinn Jósefsson úr Grindavík og Rafn Andri Haraldsson úr Þrótti.